होसीयार

                                                    

                    होसीयार  !!                              

 सम्बन्धको कच्चा डोरीहरु बाटनेसंग,

 आशा धेरै नगर्नु है नेटो काटनेसंग

 आमा भन्नुहुथ्यो, 'बाबु होसीयार हुनु '

 धन, दौलत, हिरा लिई मुटु साटनेसंग!

तिम्रै खुसि

तिम्रै खुसी

त्यही ठाउँ भेट्न आउँछु पर्ख फर्क तिम्रै खुसी

माया मेरो घट्नेछैन तर्के तर्क तिम्रै खुसी ।।

भुलेर ती हिजोका पल बाँच्नदेउ भनौलि नि

आफू त सधै नरम झर्के झर्क तिम्रै खुसी ।।

आजजस्तै भोलि पनि नरहला नसोचेरै

दाहिनेतिर नहेरेर देब्रे फर्क तिम्रै खुसी ।।

स्वर्गीय सुख माया हो होइन धन भन्ने तिमी

रहरहरु पूरा गर्न लाग नर्क तिम्रै खुसी ।।

बिर्से मैले झुठा बाचा बिर्सिदे ल भगवान

अर्कैसँग फुलअक्षता छर्के छर्क तिम्रै खुसी ।।

धर्मात्मा

"धर्मात्मा"

                                

जाबो मन्दिर जाँदैमा कोहि धर्मात्मा हुँदैन।

अरे प्रसाद खाँदैमा कोहि धर्मात्मा हुँदैन।।

टाढाकाहरुसँग खुब घनिष्ठ छौ!!याद गर।

नमिलेसम्म साँधैमा कोहि धर्मात्मा हुँदैन।

जानाजान अर्कालाई दुख दिएर खुसी रे।

नराखी हरि यादैमा कोहि धर्मात्मा हुँदैन।।

आफ्नो दिलभित्र नै पापको कुण्ड बोकि।

गंगाजल घर लाँदैमा कोहि धर्मात्मा हुँदैन।।

बाँचुन्जेल बृद्दाश्रम बस्न बाध्य बनाउँछौ।

बोकेर लास काँधैमा कोही धर्मात्मा हुँदैन।।